غراتان عصري بالدجاج واللحم المفروم :
جديد الاطباق غراتان بالدجاج واللحم المفروم جربوه ومارايحينش تندمو خصوصا لضيافكم رايح ينال اعجابهم
وجدي صوص بيضاء ببصلة وفلفل اسود وثلاث ملاعق زيت وقطعة من صدر الدجاج وشوية ملح ورشة كسبر مرحي قلي الكل ومرقي بزوج كيسان ماء وحطي كريات لحم مفروم اللي تكوني دوزنتيه بمعدنوس وثوم وبيضة وشوية ملح وخلي الكل حتى يطيب وتثقال الصوص
في صحن فتتي الدجاج اللي طاب وزيديلو نصف كاس من الصوص ونصف كاس من الكرام فراش السائلة تعطيك طراوة وبنة كريمية واذا ماتوفرتش عوضيها بحليب واربع بيضات ومعدنوس وجبن احمر مرحي خلطي الكل مليح
في مول زجاجي حطي كريات اللحم المفروم وقطع جبن طري
وصبي فوقها خليط الدجاج والكرام فراش ودخليه للفرن على
220 حتى ينشف وماتحمريهش بزاف
قدميه لاهلك وضيافك بنين وجديد